Ken Zazpi Jon Mikel Arronategik eta Eñaut Elorrietak 1996an Gernikan (Bizkaia) sortutako musika taldea da. Orduan, ''Bi eta bat'' aurrerapen abestia kaleratu zuten urte hartako ''Aurtengo GORakada, 1'' bilduma diskoan (Gor diskoetxearena), ''Ken Zazpi'' izenburuarekin.

2000. urte arte ez ziren lanean serio hasi. Urte horretan, gaur egun taldea osatzen duten taldekideak batu eta maketa bat grabatu zuten Muxikan, Jose Alberto Batizen laguntzarekin. Grabaketa hura Iñaki ''Uoho''ren etxean egin zuten.