Julio Caro Baroja

Julio Caro Baroja (Madril, 1914ko azaroaren 13Bera, Nafarroa, 1995eko abuztuaren 18) euskal jatorriko antropologoa, historialaria eta hizkuntzalaria izan zen. Diziplina horietan aitzindari, lan eskerga utzi zuen bere atzean. Berako kanposantuan dago lurperatuta, Baroja familiak duen panteoian,

Rafael Caro Raggio eta Carmen Barojaren semea, Pio Baroja idazlearen eta Ricardo Baroja margolariaren iloba izan zen. Etnografia eta historia arloetan, Telesforo Aranzadi, Jose Migel Barandiaran, Hermann Trimborn eta Hugo Obermaierrekin lan egin zuen.

Maisu horiek edukita, etnografiari ekin zion, lehendabiziko lana 15 urte zituela idatzita. Tesian ere, 1941ean amaituta, etnografia jorratu zuen urtaroko jaiak aztertu baitzituen. Geroago, hortik hiri liburu plazaratu zituen: ''El carnaval'' (1965), ''La estación de amor'' (1979), ''El estío festivo'' (1984).

Haren lehendabiziko ikerlanetan Euskal Herriko usadioak zituen hizpide, hala nola honako liburuetan: ''Los pueblos del norte de la península Ibérica'' (1943), ''Los pueblos de España'' (1946), ''Los vascos'' (1949). Euskal etnografia bizitza osoan zehar landu zuen, Euskal Ikerketak izeneko 18 liburuko lana osatzera iritsita. Euskararen inguruan ere ikertu zuen, Akitaniako eta Pirinioetako hizkuntza galduekin elkartzen zuela.

Lanak lan, unibertsitatetik at geratu zen, Coimbran eta Euskal Herrian bi epe laburretan izan ezik. Ameriketako Estatu Batuetan eta Ingalaterran ere denboraldi luzeak eman zituen. Agian hori zela eta, aitzindaria izan zen jorratu zituen diziplinetan.

Saharan zehar ere bidaiatu zuen 1952an, eta gutxiengo etnikoengana zuzendu zuen bere arreta: ''Estudios saharianos'' (1955), ''Los moriscos del reino de Granada'' (1957), ''Las brujas y su mundo'' (1961), ''Vidas mágicas e Inquisición'' (1967), ''Los judíos en la España moderna y contemporánea'' (1961-1962). Beste ikerketa batzuetan, ijito, eskale eta lapurren nondik norakoak ere landu zituen.

Joseba Agirreazkuenagaren tesi-zuzendaria izan zen.

''Eusko Ikaskuntzen Nazioarteko Aldizkaria''ren zuzendari izan zen 1983tik hil arte.
Erakusten 1 - 1 -- 1 bilaketa honetara: 'Caro Baroja, Julio,', Bilaketaren denbora: 0,03s
|
Hautaketarekin:
1

Azalaren irudia
nork Goñi, Fermín, (1952-)
Argitaratua: 1978
Deskribapen fisikoa: 142 p. : fot. ; 17 cm
...Caro Baroja, Julio, (1914-1995), (prologuista)...
Liburuak (ez fikzioa)
|
Hautaketarekin: